«محمد ممدوح»يقدم علاج روشته للوقاية من كورونا

«محمد ممدوح»يقدم علاج روشته للوقاية من كورونا
«محمد ممدوح»يقدم علاج روشته للوقاية من كورونا

 قدم الفنان  محمد ممدوح  نصائح مهمة للوقاية والحماية من إنتشار فيروس

كورونا  مطالبا الجميع بالالتزام بها  للحد من إنتشاره .

 وعلق محمد ممدوح عبر حسابه على موقع الصور والفيديوهات « إنستجرام

»..قائلا: « الموضوع دلوقتي مابقاش حكومة ولا سياسة ولا منظمات ..

الموضوع كله في ايدك انت كا شخص .. انت مسئول بشكل كامل عن سلامتك

وسلامة كل اللي حواليك

الأزمة اللي احنا بنمر بيها في العالم كله دلوقتي مش بتفرق ما بين فنان ولاعب

كورة ورئيس وشخص عادي .. كلنا علينا نفس الواجبات والمسئوليات تجاه

نفسنا والناس اللي حوالينا وتجاه بلدنا في الأخر كا نتيجة.

ازي؟

هقولك ازاي ..أولا: النضافة الشخصية: كل الدكاترة والعلماء دلوقتي أجمعوا ان

ابسط سُبل للوقاية من المرض ده دلوقتي هي انك تغسل إيدك بإستمرار ..

سهلة جدا صح؟ ومانحطش ايدينا على وشنا اطلاقا طول ما احنا بره البيت او

ايدينا مش مغسولة كويس جدا.

خلي معاك بخاخة مطهر كحولي في شنطتك .. طهر بيها إيديك لو بتركب

مواصلات او بتعامل مع ناس كتير في شغلك.

ثانيا الإختلاط: ياريت يا جماعة نمنع الإختلاط اصلا بشكل مؤقت لحد ما أزمة دي

تعدي .. بإستثناء الشغل طبعا .. روح الشغل بس حافظ على نفسك بالخطوة

اللي فوق.

يعني الناس تقلل الخروجات والقهاوي تماما .. تمنع أي نزول من البيت لغير

الضرورة فقط .. معلش استحمل شوية لحد ما الموجة دي تعدي ونرجع أحسن

من الأول.

ثالثا: قاوم جشع التجار والصيدليات اللي معندهاش ضمير لو روحت صيدلية

ولقيته بيعرض عليك سعر للحاجة غير اللي انت عارفه ماتشتريش أبدا وهدده

انك هتتصل وأنت المستهلك وهتعمله مشكلة .. لو كل واحد فينا عمل كدا

ماحدش هيقدر يستغلنا.رقم حماية المستهلك: 19588

رابعا والأهم: بلاش يا جماعة نسبب أزمة في الاحتياجات الأساسية

يعني انت مش مضطر تنزل تشتري كل المنتجات اللي في السوبر ماركت

وتسبب أزمة في السوق وتمنع غيرك انه يشتري احتياجاته .. اشتري اللي

بتشتريه في الطبيعي العادي جدا .. قولنا فوق مش هننزل غير للضرورة ..

الضرورة دي من ضمنها تشتري حاجات البيت (وانتي مخلي بالك من نفسك

وملتزم بإجراءات الوقاية)

فا مالهاش لازمة تروح تشتري كل الحاجات اللي في السوبر ماركت .. لو انت

وغيرك عملت كدا هتسببوا تلقائي في خلق أزمة عامة في الاحتياجات

الأساسية من هترفع أسعار المنتجات بناءا على زيادة الطلب عليها .. فا بلاش

خالص.

خامسا: ماتسمعش وماتنشرش أي أرقام أو اشاعات من اي مصدر غير رسمي

.. خلي مصدرك الوحيد هو موقع منظمة الصحة العالمية وموقع وزارة الصحة

المصرية .. غير كدا بلح ماتساهمش بإيدك في خلق موجة وهمية من الزعر

والخوف.

في الأخر احنا بنعمل كدا ليه؟ لأن زي ماقولنا دي مسئوليتك تجاه نفسك وأهلك

وكل حبايبك وفي الأخر بلدك .. لأن انت لو اتعديت لقدر الله مش هتكون بتأذي

نفسك بس ، انت هتأذي كل دول. وشكرا.  »

 

الرد

اترك تعليقك!
Please enter your name here