بالصور ..من 12 عاما .. الراحل مشاري البلام يخاصم مي العيدان بسبب صورة

بالصور ..من 12 عاما .. الراحل مشاري البلام يخاصم مي العيدان بسبب صورة
نشرت الاعلامية الكويتية ني العيدان صورة تجمع فيها جيل العمالقة من الفنانيين الكويتين منذ 12عاما  ،حيث كانت
لها قصة كبيرة مع الراحل الفنان مشاري البلام
  وقالت مي العيدان عبر حسابها على موقع الصور والفيديوهات ” إنستجرام” :”هذي الصوره عمرها ١٢ سنه اول
مره اطلعها اكتشفت ان عندي يمكن ألوف الصور له بس هذي الصوره كانت ب ٢٠٠٩ لما كنت ماسكه القسم
الفني بمجلة اليقظه وكنت اسوي اغلفه للمجله كانت هذه الصوره من جلسة تصوير لليقظه بمناسبة راس السنه
اخترت كل الأسماء واخترت لهم لون ملابسهم كان ١٠ من النجوم ،ومنهم المرحوم مشاري البلام كان التصوير في
استيديو فينيس بمجمع الفنار تصوير اخوي ويام كان التصوير كله بهجه، و سعاده وضحك كان مشاري مسوي جو
سعيد بالتصوير استمر التصوير لساعات زادت الغشمره بينه و بين الشباب، اللي معاه واضغطوه ف المرحوم عصب
وطفر ومشى لحقته اقول له مشاري باقي اخر لقطه ماسمعني وراح صج ، عصب و كملنا اخر لقطه بالتصوير و بعدها
استلمت الصور وقدمتهم للمجله ولي ذاك الوقت اللي كان يختار الصوره للغلاف هو رئيس التحرير الله يرحمه احمد
بهبهاني ويعتمد على حجم الغلاف المطبوع و اضاءة الصور فما اختار الا الصوره اللي مافيها مشاري ونزل العدد
و اتصلت علي شيماء علي وقالت لي مشاري البلام زعلان وايد قلت لها انا اكلمه اشتري خاطره و اتصلت عليه
الله يرحمه مشاري واشتريت زعله وقال لي زعلان مي انتي انا ادري انك ما تحبيني قلت له مشاري انت اتعرفني
من سليمان الطيب لو ما احبك ليش اتصل عليك و اختارك مع المجموعه لو ما احبك مافي شي يجبرني عليك
وأقسمت له بالله وكانت امي توها متوفيه قلت له ورحمة امي يا مشاري مو انا اللي اختار صورة الغلاف اللي
يختار هو احمد بهبهاني كرئيس تحرير وصاحب المجله لو ماكنت حريصه عليك ماكنت لحقتك وانت طالع زعلان
. اشويه وهدى. . قلبه كان قلب طفل مالوثته الدنيا الله يرحمك يابوصالح
بالصور ..من 12 عاما ..  الراحل مشاري البلام يخاصم مي العيدان بسبب صورة

الرد

اترك تعليقك!
Please enter your name here