“عفاف رشاد”تكشف سر خلعها الحجاب..وعلاقتها بالسبكي

 

 

 

 

شهدت مواقع التواصل الاجتماعي حالة من الجدل ،خلال الأيام الماضية ،بسبب نشر الفنانة عفاف رشاد

صورة من غير الحجاب مما اعتبره البعض دعوى لخلع الحجاب

وقالت الفنانة عفاف رشاد على ما تم تداوله على مواقع التواصل الاجتماعي فيما نسب إليها بشأن دعوتها للنساء

بخلع الحجاب، قائلة: «قالوا إني قلت شيلوا الحجاب لأنه بيعمل صداع.. أنا هقول كده ليه بس؟»

وأضافت «أنا حججت بيت الله في 2008 و2014 وأنا ست مريضة بالصداع وقلعته عشان تعبانة، وفوجئت

بالناس بتقلي الحجاب بريء منك ربنا ينتقم منك وهيدخلك النار»

وحول  ما أثير بشأن ظهورها الأخير، قالت «أنا عملت زي كل الناس غيرت صورة البروفايل على الفيسبوك

وحطيت صورة تانية وعشان  الفنانة عفاف شعيب جارتي وقريبة مني وصديقتي كانت دائماً تقلي اعملي شعرك

وحطي ميكب وماتقلوليش سنك الحقيقي، وسمعت كلامها ورحت الكوافير وعملت شعري ولما جه الكوافير

يعمل الصبغة  قلتله مش هتبقى لايقة علي  قالي لا هاتليق على بشرتك لانك بولنداية وعملتها»

وواصلت: “بعد ما خلصت روحت لجارة مغربية شاطرة في “الميكب اب”  وبعدين صورني يوسف الفنجري

صاحب ابني، وأما عجبتني الصورة قلت أحطها على الفيسبوك، ونمت وفوجئت  بالي حصل، فجأة لقيت الدنيا

اتقلبت والناس بتقلي أنت “تريند” إتخضيت وخفت”

وأتمت: “إتخضيت وإترعبت لاني ماعرفش يعني إيه تريند.. ما فرحتش أوي من كتر التعليقات السلبية على

الصورة وإبني جراح في القصر العيني اسمه عمر السبكي قلي ذنبي غيه يا ماما اسمع الكلام ده كله؟”

وأوضحت :  “أنا بحط على وشي حاجات بسيطة في البيت زي الزبادي والجلسرين والليمون وماسكات وماعملتش

“بوتوكس”  وسر جمالي إن ربنا حب يجبر بخاطري فصحيت لقيت كل الناس بتتكلم، ربنا طبطب علي في اللحظة

دي وكنت محتاجة طبطبة منه”

وقالت الفنانة عفاف رشاد، إنها تفاجأت من كم التعليقات وتداول صورتها عبر مواقع التواصل الاجتماعي،

ذاكرة أنها لم تقم سوى بتغير صورة حسابها على موقع التواصل الاجتماعي بعدما التقطها لها صديق

ابنها

وأشارت  راضي»، في مداخلة هاتفية عبر برنامج «كلمة أخيرة» الذي تقدمه الإعلامية لميس الحديدي

على شاشة «ON»:  «أنا معرفش يعني إيه تريند ولا بفكر إني أعمل شهرة لنفسي أو ألفت نظر الناس»

وذكرت أنها تفاجأت بكم الاتصالات الهاتفية عقب تغيرها لصورتها على فيسبوك، متابعة: «أنا اترعبت قولت أنا

عملت في نفسي كده ليه أنا ست في حالي ومعايا ابني ماشيين جمب الحيط.. ففي يوم وليلة الناس دي كلها

تتكلم عني!»

وتابعت: «أنا اتخضيت لقيت كلام كتير شوية وحش وابني قالي أنا بسمع الكلام دا بضايق، وفرحت بالكلام الحلو..

في ناس قالت دي فلوس السبكي عملت كذا، وأنا منفصلة عنه من وأنا ابني عنده سنتين وهو دلوقتي عنده 30 سنة»

وأكدت أن علاقتها طيبة بالمنتج محمد السبكي لأنه والد ابنها، مجيبة على سؤال الإعلامية لميس الحديدي «إيه سر

الحلاوة؟»، «السر إن ربنا جبر بخاطري أنه حب يطبطب عليا بكده.. أنا نمت وقمت لقيت الدنيا كلها بتجيب في سيرتي»

وتصدرت الفنانة المصرية عفاف رشاد قوائم الموضوعات الأكثر رواجًا في الساعات القليلة الماضية، بسبب نشرها صورة

ظهرت خلالها بإطلالة غير معتادة للجمهور، إذ تبدو أصغر من عمرها بملامح وجه شبابية.

وتداول مستخدمو مواقع التواصل الاجتماعي صورة عفاف رشاد التي ظهرت بشعر أشقر، وإطلالة شبابية وملامح متغيرة

إلى حد ما، للحد الذي جعل كثيرين يتحدث عن إنها خضعت لعمليات تجميل أو عدلت الصورة باستخدام تقنية الفوتو

شوب، كما شبهها البعض بالفنانة العالمية جينيفر لوبيز

 

الرد

اترك تعليقك!
Please enter your name here