“الكينج”محمد منير يكشف أسراره مع يسرا وشريهان وليلي علوي ويوسف شاهين

 

 

 

“الكينج” “الملك” أطلق عليه كما تشاء، له جمهور يتمناه إي مطرب عالمي، حبه لدرجة النخاع ،تربع على

عرش القلوب  بكلماته الجنوبية، طيبته مرسومه على ملامحه، لا يبحث عن شهرة بل الشهرة تبحث عنه

من خلال صوته الأصيل ،  محمد منير دائما يغيب عن صورة الكاميرا ويظهر فجاءة ليكشف عن أسراره

وقال الكينج محمد منير، عن  أوول عمل سينمائي له  فيلم “حدوتة مصرية” عام 1982، وكواليس الفيلم مع المخرج

الكبير يوسف شاهين والنجمة يسرا، “أول فيلم عملته عام 1982 كان فيلم “حدوتة مصرية”  مع حبيبة عمرى يسرا،

وكانت نحيفة وأنا نحيف وكان عملين  مشاكل في التصوير، وعملت أغنية تاريخية “حدوتة مصرية”، ويوسف شاهين

عظيم، كتب على قبره كلمات أغنية حدوتة مصرية.

وأثناء الحلقة  تم عرض تقرير مصور   للنجمة الكبيرة يسرا .. تحثت فيه  ..قائله “أنا ومنير بنشبه لبعض بنحب صحابنا

وجدعان أوى وطيبين وأول مرة نلتقى ببعض عن قرب كان فى “حدوتة مصرية” وهو أول فيلم لمحمد منير، وكان قلقان

أوى،وإحنا عشرة عمر من الثمانينات، وممكن ييجى على نفسه عشان صحابه، وكان تعبان جدا لما جه عزانى في

أمى، ومش هنسى له الموقف ده أبدا، وفيه مواقف كتير بينا مش هقدر أحكى عنها، ومنير أخ وصديق وعزيز وغالى

عليا أوى وسلامة

قلبك يا أبو قلب طيب، وبحبك وبحترمك وغالى عليا أوى وعلى كل المصريين، وربنا يحفظك من كل شر ويديك الصحة

والعافية”.

وأوضح “يوسف شاهين كان بيعتبرنى حنجرته وصوته فى الأفلام، ولو كان عاوز يزعق لحد يزعقلى، ولو عاوز يشتم

حد يشتمنى أنا، وكان بيعمل كده معايا من أول حدوتة مصرية”

روى الكينج محمد منير، كواليس وقوفه أمام سيدة الشاشة فاتن حمامة في فيلم “يوم مر و يوم حلو”، وذلك خلال لقائه

مع الفنانة والإعلامية إسعاد يونس ببرنامج “صاحبة السعادة” المذاع على قناة dmc،

.. قائلا   “دورى في فيلم يوم مر يوم حلوأمام سيدة الشاشة هو فى الحقيقة كان دور أحمد زكى، وفاتن حمامة كانت

رافضة أمثل الدور ده؛ لأنه كان دور شرير، ومش هينفع ليا خالص، بحجة أن ملامحى طيبة، فإزاى أعمل دور شرير،

وكانت معانا فى الفيلم سيمون وعبلة كامل”.

وأضاف ” عملت فيلم “الطوق والإسورة” مع حبيبتى شريهان ربنا يديها الصحة، وهى من أجمل فتيات مصر، وكل فريق

عمل المصير كان رائعا، ويوسف شاهين كان طالب منى أتمرن أنا وخالد النبوى على ركوب الخيل، روحت أول يوم وتانى يوم

وبعد كده بطلت أروح؛ لأن عندى فوبيا من الحصان بس رجعت روحت تانى في الآخر عشان الدور”.

وفى تقرير مصور، خلال الحلقة، قالت النجمة ليلى علوى: أنا من أشد المعجبين بمحمد منير واتقابلنا في حفلات ومهرجانات

وقربنا لبعض أوى في فيلم “المصير” ولقيته حساس جدا وحنين وبيساعد اللى حواليه، وكل المشاهد اللى قدامه حلوة جدا،

منير إنسان كريم أوى وكريم في مشاعره، وطول فترة التصوير في انسجام بينا النوبى الأصيل وحبه لمصر وللوطن والنيل

وللإنسان قوى جدا، وعمرى ما زهقت أن أسمع منير في كل مراحله، هو كينج بجد والحب ده من عند الله يا منير، ربنا

يسعدك ويديك الصحة والعافية، وتعمل الفيلم الاستعراضي اللى أنت عاوزه”.

كشف الكينج محمد منير، خلال لقائه مع النجمة إسعاد يونس، فى برنامج “صاحبة السعادة”، المذاع على قناة dmc، قصة

عمل أغنية “علّي صوتك بالغنا” من فيلم المصير.

وقال محمد منير: “يوسف شاهين وكمال الطويل كان مش عاجبهم الغنا، وكل ما أغنى أسمع غلط ومقدرش أعترض عليهم

ولا أتخانق معاهم، وقلت أضرب شاهين ولا أعمل إيه روحت عيطت وده خبث منى ولؤم، ولما شافوا الدموع نازلة من عينى

سابوا لى الاستوديو، خلصت الأغنية فى 5 دقائق، معروف عنى فى وسط الاستوديوهات ومهندسى الصوت إنى أسرع

وأشطر مغنى، لأنى بأروح مذاكر.”

وأضاف منير: “بحب شخصية مروان اللى قدمتها فى فيلم المصير؛ لأن الشخصية كانت قريبة منى ومن شخصيتى، وكان مع

حبيب قلبى الراحل نور الشريف وصديقى محمود حميدة وصفية العمرى ربنا يديها الصحة”.

روى الكينج محمد منير، خلال لقائه مع النجمة إسعاد يونس، فى برنامج “صاحبة السعادة”، المذاع على قناة dmc، كواليس

مسرحية “الملك هو الملك”.

وقال محمد منير:” الملك هو الملك أهم مسرحية في تاريخ مصر ومن تأليف سعد الله ونوس وأشعار أحمد فؤاد نجم وإخراج

مراد منير، وكنت لما بسافر سوريا لسعد الستات كانت بتستقبلنى بالزغاريد، ومراد منير مخرج عبقرى، والملك أو الكينج أحب

الألقاب لقلبى، وأحمد فؤاد نجم علامة من علامات مصر”.

وفى تقرير مصور، خلال الحلقة، قالت النجمة هالة صدقى: “محمد منير عمل أفلام مهمة في تاريخ السينما ويكفى أنه

اشتغل مع يوسف شاهين، وأنه يختاره في دور مهم أوى في فيلم “المصير”، و”علّى صوتك” من العلامات المميزة، والحاجات

اللى بحبها أوى امبارح كان عمرى عشرين، بحب الألبوم ده جدا، وأكبر ميزة في منير انتماؤه لوطنه الأصلى النوبة ولأهله وهو

إنسان طبيعى وبسيط أوى أبسط من البساطة، وأكتر حاجة بكرهها في منير اهتمامه بالناس اللى حوليه وعدم الاهتمام

بصحته، والفن والناس أنبوبة أكسجين منير، أنت قامة كبيرة أوى، والمهم أنك تحافظ على صحتك أنت ليك أجيال معجبين بيك”.

 

 

 

 

الرد

اترك تعليقك!
Please enter your name here